بعض الامور المهمه عند شرائك هاتف جديد

بعض الامور المهمه عند شرائك هاتف جديد 

هذه بعض النقاط المهمة التى يجب ان تضعها بعقلك عند شرائك هاتف جديد ويجب عليك اتباعها جيدا حتى لا تقع فى مصيدة التجار والمحتالين 

1. متاخدش بكلام اليوتيوبر المراجعين وارائهم فى الجهاز الى هتشتريه واسمع من المستخدمين للجهاز لمدة شهر ع الاقل او شهرين لان اليوتيوبر مجرد بيعملو فيديوهات وخلاص 
2. قبل ما تشترى الموبايل شوف انت محتاجه ليه يعنى لو عشان هتشغل العاب كبيرة زى بابجى يبقى انت محتاج تليفون امكانياته عالية خصوصا الرامات والبروسيسور وطبعا كل ما الامكانيات تزيد كل ما السعر بيزيد اما لو محتاج موبايل ينجز معاك شغلك وملفات اوفيس وغيره يبقى مفيش داعى تشترى جهاز عالى وتكلف نفسك
3. متتعاملش مع الموبايل الجديد على انه انسان يعنى مينفعش تشترى تليفون ب ٢٠٠٠ جنيه وعاوز فيه كل الامكانيات لازم هتتنازل عن بعض الامور زى الخامات او اللون او حتى دقة الشاشة ولكن فى كل الاحوال يقضى معاك الغرض المطلوب 
4. اكتر حاجة هتركز عليها هى بطارية التليفون الجديد كام ملى امبير وبتخلص فى اد ايه لان ده هيفرق معاك لو انت بتقضي وقت كبير برة البيت او مسافر او حتى بعيد عن اى مصدر للكهربا لشحن التليفون وده هيريحك ع الاخر فلازم تاخد بالك من قوة البطارية 
5. اهم حاجة تعرف توكيل الجهاز فين وهل التوكيل معاملته كويسة وبيحترم عملائه ولا لاء وهل متوافر قطع غيار للجهاز لان لقدر الله لو تليفونك الجديد باظ تبقى انت فى امان يا مان متعدش تلف على محلات الصيانة الى اغلبهم بيكون هواة مش محترفين 
6. لازم هتشترى سكرينة وجراب عشان تحافظ ع التليفون من الصدمات او الخدوش لو جهازك حساس لان مش كل التليفونات بيجى معاها الاكسسوارات دى 
7. اتاكد من ان نسخة الاندرويد اللى على الجهاز حديثة وهتقبل تحديثات لان ده هيفرق معاك فى الاستخدام من حيث تنزيل البرامج والالعاب وكمان سرعة واداء الجهاز 
8. حاول تبعد على اد ما تقدر عن معظم الشركات الصينى الى دايما بتديلك تليفون امكانيات وااااو وسعر قليل لان غالبا بيكون الجهاز ده عمره قصير وهيبوظ بسرعة وملهوش قطع غيار لازم تتاكد من البلد المصنعة للجهاز والافضل ميكنش صينى 
9.  قبل ما تستلم الجهاز وتمشي حاول تجرب الاساسيات زى الصوت او الكاميرا او تعمل مكالمة منه وجرب الشاحن والهيدفون والتاتش يعنى جرب الجهاز واتاكد انه سليم 
10. ابعد كل البعد عن العروض يعنى متنزلش تشترى جهاز عليه عرض ومخصوم من سعره وتفرح لان العروض بتبقى اجهزة مركونة بقالها فترة وعاوزين يخلصو منها وغالبا هتقابل فيها مشاكل وتبقى رميت فلوسك 
11. متاخدش راى حد فى الجهاز بعد ما تشتريه لان مش كل الناس جربوه ومش كل الناس هتقوله انه كويس لازم هتلاقى ايجابيات وسلبيات المهم انت اختارت واشتريت ايه لنفسك

التسميات:

اذا اعجبك الموضوع قم بمشاركته مع اصدقائك على مواقع التواصل الاجتماعى

فيسبوك تويتر لينكدين واتساب

محمد االعتال

محمد العتال مدون مصرى 27 سنة يهتم بالتكنولوجيا والسوفت وير الخاص بالكمبيوتر والاندرويد انشأ مدونة العتال للمعلوميات فى عام 2012 لنشر المحتوى التقنى والتكنولوجى فى كل الدول العربية