مقال لحل بعض المشاكل فى الاندرويد 13 مشكلة / 11 حل

مقال يحتوى على بعض الحلول السريعة لحل بعض المشاكل التى تواجه مستخدمين اجهزة الاندرويد

أولا المشاكل الشائعة التى تواجه مستخدمين الاندرويد بكل اصداراته ( 4 / 5 / 6 / 7 ) :

1- التليفون بطئ فى الاستخدام وبيهنج مع الالعاب والتطبيقات
2- التليفون بيشحن ببطئ وبياخد وقت طويل فى الشاحن بالساعات
3- التليفون بيسخن اثناء الشحن او الاستخدام العادى
4- التليفون بيعمل ريستارت لوحده كل شوية
5- التليفون بيعمل صامت لوحده ولازم اعمله ريستارت
6- التليفون بيتجمد freeze ولازم اعمله ريستارت عشان يشتغل تانى
7- التليفون مش بيتعرف على على الكمبيوتر من خلال كابل usb
8- التليفون بيظهر رسائل خطأ كل شوية زى مثلا com.android.systemui  stopped working
9-التليفون مش راضى ينزل برامج من بلاى ستور
10- التليفون مش راضى يسطب البرامج والالعاب وبتظهر رسالة app not installed
11- السينسور فى التليفون بيعلق مع المكالمات ومش شغال كويس
12- التاتش احيانا بيعلق فى الاستخدام وتقيل

13- الكاميرا مش شغالة 

--------------------------------------------------------------------

ثانيا استعراض لبعض الحلول السريعة لحل المشاكل السابقة بشكل عام قبل الذهاب الى مركز الصيانة لفحص الهاتف :
1- اعمل فورمات للتليفون كخطوة اولى ممكن يكون فى برنامج او لعبة عاملة مشكلة او اتسببت فى المشكلة فى التليفون
2- لو الفورمات منفعش معاك هتنزل سوفت وير جديد للتليفون وتقدر تشوف طريقة تنزيل سوفت وير لهواتف سامسونج من هنا
3-لو حاطط كارت ميمورى فى التليفون اخلعه من التليفون ووصله بالكمبيوتر واعمله فورمات ممكن يكون عليه فيروس
4- لو مشكلتك فى الشحن بطئ او غيره ممكن تغير الشاحن وتجرب تانى لو منفعش غير بطارية التليفون ولازم تبقى اصلية
5- بالنسبة لمشاكل السينسور ممكن يبقى سبب المشكلة الاسكرينة الى مركبها غيرها او اخلع التليفون من الجراب لو فى جراب
6- بالنسبة لمشاكل التاتش البطئ او لو كان بيعلق معاك بردو شوف الاسكرينة ممكن تغيرها وتجرب ولكن للعلم فى تليفونات التاتش بتاعها حرارى زى تليفونات HTC لما الجهاز بيسخن التاتش بيبقى تقيل شوية وده عيب تصنيع مش مشكلة فى الجهاز
7- بالنسبة لمشكلة ان التليفون مش متعرف على الكمبيوتر من خلال كابل usb , اول حاجة نزل التعريفات من هنا وسطبها على الكمبيوتر , بعد كدا روح على تليفونك افتح الاعدادات وادخل على حول الهاتف about phone واضغط على build number 5 او 7 مرات وبعدين ارجع لورا تانى هتلاقى حاجة اسمها خيارات المطور Devoloper option ادخل فيها وفعل اختيار تصحيح Usb هتلاقيه اسمه الانجليزى Usb Debugging وجرب توصل التليفون تانى ممكن المشكلة تتحل
6- بالنسبة لمشكلة ان البرامج الالعاب مش بترضى تتسطب وبيقولك not installed غالبا بيكون السبب كارت الميمورى اخلعه وحاول تسطب من غيره لو منفعش معاك ممكن يكون المشكلة فى ان مفيش مساحة كافية لتثبيت التطبيق او اللعبة على التليفون
7- غالبا بعض المشاكل بتظهر فى الاندرويد بسبب مشكلة فى السوفت وير من الشركة المصنعة نفسها يعنى ممكن تتحل من خلال تحديث او ابديت رسمى من الشركة بيبعتولك التحديث هوائى من خلال الواى فاى
8- بالنسبة لمشكلة ان التليفون مش راضى ينزل تطبيقات او العاب من بلاى ستور , اول حاجة روح على الاعدادات setting وادخل على مدير التطبيقات app manager وروح على بلاى ستور واعمله مسح بيانات clear data وبعد كدا ارجع للاعدادات تانى وادخل على الحسابات accounts وادخل على حساب جوجل واعمله حذف من التليفون وبعدها اعمل ريستارت للتليفون وسجل بحساب جوجل جديد على المتجر غير القديم لانه ممكن يكون فيه مشكلة او عليه فيروس
9- الناس اللى عاملة روت ياريت بعد اذنكم تحذفو الروت من التليفونات لانه بيسبب مشاكل كتيرة جدا وممكن يسببلك مشكلة فى الهارد وير بتاع التليفون او يتحرق تماما ده غير انه بيطلعك من الضمان لو كان التليفون لسة جديد
10- الناس الى بتفتح من التليفونات صور او فيديوهات او مواقع اباحية ياريت بلاش منها لانها بتنزل فيروسات على التليفون وهتخليلك التليفون حالته مش كويسة
11- اخيرا لو كل الحلول دى منفعتش معاك يبقى تودى التليفون للتوكيل او اقرب مركز صيانة مضمون لفحص الجهاز ممكن يكون فى مشكلة هارد وير او مشكلة فى البوردة ومحتاج يتصلح وغالبا هياخد مدة تصليح من 14 يوم الى شهر

كتب المقال / محمد العتال

التسميات:

اذا اعجبك الموضوع قم بمشاركته مع اصدقائك على مواقع التواصل الاجتماعى

فيسبوك تويتر لينكدين واتساب

محمد االعتال

محمد العتال مدون مصرى 27 سنة يهتم بالتكنولوجيا والسوفت وير الخاص بالكمبيوتر والاندرويد انشأ مدونة العتال للمعلوميات فى عام 2012 لنشر المحتوى التقنى والتكنولوجى فى كل الدول العربية